Arbatax I (10.04.2014)

De Camping Telis in Arbatax isch mega schön, me stoht uf ere Terasse direkt am Meer.

Scho sit zwei, drei Täg stinkt euse Abwassertank vom Wohnmobil (das isch da womer gmeint händ). Also hämmer welle go leere. Bim welle isch es denn blibe, will sich de Alasser kei Wank gmacht hett. Batterie dunde obwohl gestert erst gfahre und duurend am Ladegrät? Bim Usbau vo de Batterie (nochdem si gfunde gsi isch) hämmer denn au gmerkt wurum: die isch süttig heiss gsi, hett d Spannig uf 8.5V zämegrisse und hett de Gstank verursacht :o( Also abhänge, usbaue und morn e neui Batterie kaufe. Und plötzlich isch au de Gstank weg gsi...