Alghero I nach Porto Torres I (21.04.2014)

Hütt isch de letschti Tag uf Sardinie. Bevor mer uf d Fähri gönd, hämmer no welle go d Grotta di Nettuno aaluege. Kei Chance hämmer gha. E riesige Menscheuflauf und kei Platz zum Wohnmobil parkiere. Schinbar sind am Oschtermentig alli Italiener in Usflugsluune und unterwegs an irgendwelche Sache am aaluege. Ok, Plan B isch es Wyyguet go aaluege wo no schön sett sii. Natürlich hett au da zue gha. Mittagspaus hämmer bi Argentiera gmacht wos es alts Silberbergwerk hett. Das hämmer nume chönne Fötele, au do hets nume so vo Italiener gwimmlet. Mittag hämmer denn ganz i de Nöchi gmacht.

Damit mer d Zit bis am 6i z Obe händ chönne überbrücke simmer no chli usserhalb vo Potro Torres ane Strand chli go sändele. Schlussendlich hämmer denn s blaue Förmli nümm gfunde, hetts de Chlei alwä irgendwo verbuddlet :o)