Genua I nach Lazise I (22.04.2014)

Do mer in Sardinie chli vo de Campingplätz entdüscht gsi sind, hämmer zum Abschluss no chli uf en bessere Campingplatz welle. Drum mache mer uf em Rückweg no en Abstecher an Gardasee zume grosse aber guet usgstattete Platz. Nochdem mer am Mittag aacho sind hämmer den no en Spaziergang im See entlang is Städtli gmacht und händ di bis jetzt besti Gelatti i dene Ferie gässe. Hin und zrugg sinds 8km gsi.