Mir sind ca am halb 9i ume dehei abgfahre und händ no de Seatfür de Service i d Garage müesse bringe. Wo mer denn de Schlüssel in Briefchaschte vo de Garage gworfe gha händ isch eus ufgfalle dass mer no de Halter vom Navi dinne vergässe gha händ. Ha mi denn gar nid ufgregt gha... Aber nochdem mir denn euse Basilikum de Angie brocht gha händ isch zum Glück de Garagist denn ume gsi und mir händ nid nomol hei müesse zum de Schlüssel hole. Also hett d Reis beginne chönne!!
D fahrt durch Frankriich isch nid bsunders spektakulär gsi. Alles nume Kornfelder vo grad früsch gerntet worde sind. Aber so simmer denn die 770km durch d Sunne gfahre und in Calais acho. Dört hämmer denn d Margret und de Wolfram (Tante und Unkle vom Kiss) troffe, si sind au nid viel vor eus do gsi
Uf em Parkplatz hämmer denn übernachtet und uf de Morge gwartet, am 8:50 isch die planti Abfahrt gsi.