Am Morge isch es wider rächt rägnerisch gsi. Trotzdem simmer loszoge und e Freilichtmuseum i de Nöchi go aluege, wo chli ufzeigt hett wie d Besiedlig vo Irland gsi isch, wenn die erschte Mensche uf die Insle cho sind, wie si gläbt händ usw. Zum Glück isch s Wetter besser worde, so dass mer da ganze ohni Rägeschirm mache händ chönne.
Noch em Nachtässe simmer denn über d Brugg id Stand gloffe und händ eus e Pub gsuecht wo mer denn einigi Guinness drunke händ. Uf em Heimweg hetts denn so richtig fest gwindet und gregnet.
