Mit guetem Wätter (für irischi Verhältnis) simer denn ufgstande und richtig Norde losgfahre. Euses erschte Zile isch Newgrange gsi, e 5000 Johr alti Grabstätte wo no vor de Pyramide erbaut worde isch (Meh dezue findet ihr sicher im Wiki oder eso). Wie au immer, da isch sehr idrücklich gsi und mol nid so übertüürt wie die andere Touristeattraktione, cha mer jedem zum aluege witerepfehle!
I eusere Charte sind i de Nöchi zwei Campingplätz izeichnet gsi, wo denn aber gar nid vorhande gsi sind. Do denne keini witere I de Nöchi gsi sind simmer den halt witergfahre. Au de nachsti wo öppe 80 km witer nördlich gsi isch hämmer nid gfunde und händ eus scho langsam Sorge gmacht! Aber schlussendlich hämmer denn in Nordirland en riesige, grad i de Nöchi vom Strand gfunde, wo ussergwöhnlich suberi WC Aalage gha hett. So hämmer dört übernachtet.
