Hütt hämmer Sunne gha! Mir händ eus ufgmacht richtig Norde, zerscht durch Belfast un denn de wunderschöne Küstestross entlang. Es isch rächt äng gsi und kurvig. S schlussendliche Ziel isch eigentlich de Glenariff Forest Park, e Naturschutzgebiet, gsi. Zerscht simmer en Camping am Strand agfahre. De hett gfunde er hett no Platz und so. Ok alles zahlt igschribe und denn zum Platz. De isch aber nid wirklich super gsi, d Margreth und de Wolfram hätte öpper 2m Platz zum Nochber gha und es isch eifach en Parkplatz gsi. Mir hätte eus uf es chleins Raseflächeli direkt am Garteaag stelle selle. Beidi Plätz mega schreg, so dass mer uf Bachestei (wo dört umegläge sind) hätte stelle müesse. So simmer denn wider zur Rezeption und händ s Geld zrugg verlangt und sind witer.
Da Naturschutzgebiet hett au en Campingplatz gah, do isch eifach de Ranger am Obe verbii cho und hett s Geld izoge. De halb Paltz isch voll Zigüner gsi... Naja, schön isch de Platz gsi, so direkt am Wald. Doch s WC isch grusig gsi. Schlussendlich hämmer eus dört nieder glo. Am Obe isch denn eine vo de Zigüner anegfahre und hett ime schlechte Englisch gfrogt, ob er euses Büsli abkaufe cha :o)