Zerscht noch em Ufstoh simmer öppe 20km gfahre zum go poste. S Wetter hett wider emol nid so rächt welle, aber mir händ denn wo mer wider dehei gsi sind doch no eusi planti Wanderig (nüt wilds , 9km halt chli bergig) gmacht. Leider simmer in ere Wolke gsi, suscht hätti mer sette bis as Meer sehe selle und au suscht immer e gueti Ussicht haa selle. Noch de erste 2km hetts wider agfange z rägne, so hämmer denn für de Rest de Schirm ufgspannt gha.
Am Camping wider acho hämmer gmerkt dass so Räge au öppis guets hett. Die viele lästige Wäschpi und die viele ganz chleine Müggli händ eus in Rueh glo!