Unter Wulke (aber kei Räge) hämmer eus uf d Socke gmacht richtig Bushmills, dört sett die ältischti Wiskibrennerei vo de Welt sii. Irgendwenn händ sich denn d Wäg vo eus trennt und d Margret und de Wolfram händ e anderi Stross neh müesse, will die schön Küstestross nume für PKW zueglo gsi isch, zu recht wies sich denn uf dere Stross zeigt hett. Si isch mega schmal gsi, i de Spitzcherene hämmer zum Teil is eis abeschalte müesse wills so Steil und äng gsi isch! Leider isch es aber so neblig gsi, dass mer sehr wenig gseh hett. Noch ca 20km hämmer die andere wider troffe und sind denn wider zäme unterwegs gsi.
Bi Ballycastle simmer no churz go poste gange und händ no de Hafe agluegt.
Churz vor Bushmills isch d Küste mega schön gsi, so hämmer dört Mittag gässe und sind denn no fast zum Strand abegloffe. In Bushmills acho hämmer welle uf de Campingplatz, doch eus isch denn vo dem Maa a de Rezeption gseit worde dass scho voll sig. Er hett aber denn uf en andere aglütte und dört nochegfrogt ob de no Platz hett und für eus denn dört reserviert. So simmer ca 5km usserhalb bime Buurehof uf em schöne Campingplatz glandet.
