Sch**** Räge!!! immer nume Räge!!! Hütt simmer wider ufgstande und es hett grägnet, nid fest, chli en Nieselräge, aber doch gnueg dass mer ohni Schirm pflotschnass worde wär. So hämmer eus ufgmacht und händ zerscht postet (bis mer endlich en Lade mit Bier gfunde händ, da isch do in Nordirlad gar nid so eifach!). Nocher simmer denn d Bushmills Breneerei go aluege. Isch no schön gsi, leider hett mer aber nid fötele dörfe.
Nocher sind mer zum giants causaway. Das sind Basaltstein, wo denn so komisch broche sind, dass es alles so wie Süüle geh hett. Zum Glück hett denn de Räge ufghört gha und mir händ denn über die Stei chlätere chönne.
