Hütt hämmer e Rundfahrt durch de Nordweste vo Irland gmacht. Margret und Wolfram händ ihres Wohnmobil stoh loh und mir sind zu viert im VW Bus zur Küstestross ufbroche. Pünktlich uf denn wo mer e chleini Ortschaft händ welle aluege hett au de Räge igsetzt. Also alli Müeh zum sitlich iparkiere um suscht und mir sind wider witergfahre. Zum Glück isch da nume e chleine Rägeschauer gsi, sodass s Wetter für de Rest vo de Tour no ganz ok gsi isch.
Das Gebiet isch e grosses Moorgebiet hett überall Heidepflanze und si stäched überall Torf wo si denn zum heize verbrenne. Me schmeckt überall in jedere Ortschaft de Rauch vom verbrenne (errineret mi an früener in Ungarn, stinkt öppe glich wie dört, wenn si Steicholebriketts verbrennt händ).