D Fahrt noch Galway isch nid bsunders spektakulär oder schön gsi. Sind denn uf de Camping (en typische Stadtcamping, nid bsunders schön und d WC-Aalage nid wirklich suuber) und händ chli en fuule restliche Nomitag noch dere lange Fahrt gmacht.
Zum Znacht hämmer denn gfüllti Peperoni gmacht, mmh sind die denn fein gsi! Aber es hett so gwindet gha, dass ich uf em Grill oppe kei Hitz anebrocht ha, so hämmer si denn im Elektroöfeli fertigkocht.
