S Städtli vo Galway (also besser gseit d Fuesgängerzone) isch mega schön. Alles verschiedefarbigi Hüüsli wo Läde und Pubs dinne sind. Leider hetts, wie chönnts au anderst sii, wider emol grägnet. Aber trotzdem simmer chli go shoppe und durchs Städtli gschlenderet.
Mir sind denn no d St. Nicolas' Collegiate Church go aluege. Da isch die ältischti Chille in Irland wo no Gottesdienst stattfindet. Schinbar sett de Columbus scho do inne bätet ha.
