D Fahrt uf Dolin isch nid so wit gsi und de Petrus hett endlich wider emol erbarme mit eus gha. D Hauptstrosse sind ime jämmerliche Zuestand gsi, mir sind nume sehr langsam vorwärts cho (öppe mit 50 km/h). Aber trotzdem simmer uf em Campingplatz acho und no es Plätzli becho.
Nochdem mer eusi Plätz bezoge gha händ simmer zu viert mit em VW zu de Cliffs of Moher gfahre. Das sind die grösste Klippe wos z Irland git, si sind ca 230m hoch über em Meer. Chum dört acho hett au scho d Sunne gschune!
Wo mer denn wider zrugg cho sind hämmer zerscht no im Pub e stärkig zu eus gno (Guinness :o) und händ z nacht kocht (mhh isch da fein gsi! Händ Pulet Curry Riis mit Bire als Eintopf uf em Grill gmacht). Pünktlich zum Koche hetts denn wider abeglo was es nume no so hett chönne, da mit Sturm vermischt... In ere Rägepause simmer denn no as Meer zum d Wälle beobachte, sind aber denn gli durch de Räge wider heigschickt worde.
