De bisher grauschti Tag! Mir sind in ere Wulche ufgwacht und die fascht nid los worde. Zum Teil simmer denn während de Fahrt drüber cho, zum Teil au knapp unterhalb gfahre aber meistens innerhalb.
Trotzdem simmer zum Falls of Measach, en Wasserfall und händ dört halt gmacht. Vo de Ussichtspünkt us hett mer en vor luter Nebel fast nid seh chönne. Aber de Näbel i dene Bäum hett e richtig mystischi Stimmg geh.
Bi de Witerfahrt hett denn d Fabienne gseh wie en Zäch ihres Bei uekraxlet. Händ eus denn abgsuecht und am Obe au duscht und d Kleider gwächslet, nid dass eine abisst!
Mir händ denn de Campingplatz agstüürt wo eus empfohle worde isch. Isch wirklich sehr schön gsi so quasi im Garte vome Huus, em Bsitzer.
