Als erschts noch em Ufstoh sehn mer dass bim Andy en Zäch abisse hett. Sauviech!!!!
Nocher hämmer eus denn uf e Rundfahrt uf de Insle Skye gmacht. Als erschts bi de Talisker Distillerie aghalte, doch do Sunntig gsi isch, händ si kei Füehrige gmacht. Aschliessend simmer denn halt witegfahre, isch scho no Luschtig die Insle, isch wie au s Festland uf de Nordsite sehr karg und im Süde isch scho alles grüen.
Sogar go Poste hämmer chönne trotz em heilige Pfingschsunntig! Da schint do obe niemer z kümmere d Läde sind trotzdem ganz normal offe. Ok, bi jedere Chille wo mer durecho sind isch de Parkplatz voll gsi, schinbar goht de Rest vo de Bevölkerig wo nid schaffe muess a d Mäss.