Mit nüm so schönem, defür weniger windigerem Wetter hämmer de Campingplatz verloh (isch eus schwer gfalle isch wirklich sehr schön gsi do).
Mir sind noch Fort William god Neptune's Staircase aluege gange. Das sind 29 Schleuse wo sich zwüschem Loch Linnhe und em Loch Lochy verteiled. Leider sind dört im Moment kei Schiffli unterwegs gsi wie in Fort August.
Am Loch Leven hämmer denn euse Campingplatz gfunde. Es sind zweimol Kampfjets und Helikomter im Tiefflug über eus gfloge. I de Schwiz regt sich jede über so Tiefflüg uf, doch mir händ da rächt luschtig gfunde.
