Die Fahrt hett hammermässig agfange! Eso e schöni Fahrt zwüsche de Bärge hämmer bis jetzt nonig gha! S Ziel isch eigentlich Oban gsi um dört d Fähri uf d Insle Islay z neh. Doch leider isch morn kei Fähri gfahre, so dass mer denn witer gange sind, will vo Kennacraig fahred si mehrmols täglich. Wo mer dört acho sind, hämmer d Fährin für hin und zrugg buecht und sind witer zume Campingplatz gfahre.
Euses "Cool Camping" Buech hett eus wider emol nid im Stich gloh. Händ in Muasdale en wunderschöne Campingplatz gfunde. S Wetter isch super gsi, au wenns chli windig gsi isch.
