Am Morge simmer denn früeh uf und zur Garage. Die händ sich au eusem Problem agno und gseit, si müend da Teil bstelle. Zu eusere Verwunderig hämmer en Ersatzwage kostelos zur Verfüegig gstellt becho. D Reperatur sett bis ca 4i fertig sii.
So simmer denn mit em Ersatzwage zrugg zum Campingplatz und händ Margret und Wolfram abgholt damit mer mit ihne d Stadt vo Cambridge händ chönne go aluege.
Uf di vieri simmer id Garage und händ s fertige Wohnmobil abhole welle. Nix gewesen ausser Spesen... Si krige da Teil erst morn. Damit mer es Bett gha händ simmer ohni Uspuff (isch scho demontiert gsi) zrugg zum Campingplatz gfahre. Mer selle am 9i am Morge cho, denn mache sis denn grad.