Mer händ etlichi km einspurigi Stross hinter eus brocht und sind denn a de Fähri zur d Insle Mull acho. Nochdem mer eus bim camping icheckt händ simmer no zum Duart Castle. Wo mer im Innehof gsi sind, hett eus öpper agsproche vo wo mer sind usw. Händ chli pläuderlet mit ihm und sind denn das ganze go aluege gange. Es hett sich denn usegstellt (anhand de Fotos wo dört gsi sind) dass das wohl s Familieoberhapt von Maclean gsi isch (de 28th of Maclean). Uf em Foto mit de Iris seht mer di schottische 'midges' wo eus denn am übernächste Tag us em Norde vo Schottland vertiebe händ!.
So geg di vieri hämmer de ersti Räge vo dene Ferie becho!