I de Nacht hett de Räge ufghört. Mir händ eus zur Entdeckig vo de Insle ufgmacht und sind noch Tobermory gfahre. Händ das härzige Dörfli und d Brennerei agluegt. D Brennerei, naja, nid grad überwältigend. De Tobermory Whisky au nid grad. Mer händ denn en Ledaig kauft (de brenned si au dört, so hett d Brennerei mol gheisse gha). Am Obe simmer is Pub go ässe (händ fürstlich gässe, so quasi s Abschiedsässe vo Schottland gsi) und denn nocher no er Rundi um de Campingplatz gloffe.