Mir sind am Castle Stalker verbiicho und händ en Fotostopp gmacht. Wo mer in Barcadine uf de Campingplatz sind, hämmer zerscht d Sunne gnosse, bis denn am Obe d Midges fürecho sind. Unglaublich penetrant die Viecher. Znacht am 2 simmer für fast zwei Stunde wider ufgstande und händ die Viecher a de decki und überall verduckt. Sehr wohrschinlich händ si sogar chleini Schlupflöcher bi de Fenster gfunde uns sind inecho. Also durch d Moskitonetz vor de Fenster chömed si, so chlei sind si.