Also hämmer eus uf de Wäg in Richtig Skandinavie gmacht, oder besser gseit mir händs mol versuecht. Wo de Goran de Zündschlüssel umedreit hett isch nüt meh gange... Hmmm... Isch da nid vertrauenserweckend? Eso grad am Start? ok, zum Glück sind denn im Kiss sini Tante und Onkel no ume gsi wo überbrücke händ chönne. Also simmer losgfahre.
Mir hei denn e gueti Routä empfohlä becho und si mit dr Fähri vo Dütschland uf Dänemark (Vogelfluglinie). In Dänemark hei mir denn öpe nur Räge gha. Denn isch es widr über diä langi (9Km) Brugg uf Schwedä gange, dört isch es denn langsam au besser wordä mit em Wätter und mir si no es Stückli gfahre bis uf Ödeshök, dört hei mr denn e schöne Campingplatz gfundä.
