Do nur ei Wäg nach Hammerfest füehrt, hei mr ca. 150Km alles widr retour dörfä. Mir si denn no biz meh Richtig Südä gfahre, verbi an vielnä Schlaglöcher und Baustellä. Um ei chline Fjord simmer denn no drumherum gfahre, do mr eigentlich dört e Zältplatz gsuecht gha hei, aber dört isch denn gar nüt gsi... So simmer halt glich no das Schotterströssli witergfahre und hei denn uf dr Hauptstross widr d'Bärner mit ihrem VW-Büsli troffä. Mir hei eus denn e Zältplatz gno grad in dr nöchi vo dr Hauptstross, dä isch erstundlicherwies überhauptnid überfüllt gsi und eigentlich no ganz schön. Dört hei mr denn no biz gsündelet und grilliert, bis eus denn d'Schnoggä dr Obe versaut hei.