Als nächsts Ziel hei mr eus Tromsö vorgno, mir si denn über chlini Umwäg au in diä grösseri Stadt gfahre. Dört hei mir unter anderem wölle s'einte Museum über d'Mitternachtsunnä und Polarliechter wölle aluegä und mit erä Seilbahn ufä Bärg ufe go d'Ussicht gniesse. Es isch aber au scho eher am spöterä Obe gsi und mir hei z'erscht mol wölle e Zältplatz ufsuechä, jedoch hets in derä Stadt grad nur ei Camping gha und dä het eus vo ussä gar nid gfalle. Nach langem überlegä si mr denn ca 25Km witerwäg ufä Camping, dä isch zwar au nid dr schönst gsi aber ganz OK für 1 Nacht. Mir si denn so mit dr Mitternachtssunnä ins Bett und hei dr Wecker uf 9:00h gsellt, damit mir diä erwähnte Sache no chöne go aluegä...