Leider het eus s'schlächte Wätter über d'Nacht doch widr igholt und mir si denn doch kei zweiti Nacht meh dört bliebe, sonder hei eus widr ufd Flucht vor dä dunklä Wolkä gmacht. Mir hei z'erscht no e churzä Abstächer gmacht ane Ort wo me e Feschtig usem 2. Wältkrieg het chöne aluegä. Allerdings hei mr denn das Züg nid agluegt, will diä Sache z'wiet verteilt gsi si und mir öpe e Tageswanderig hätte müesse uf eus neh.
Mir si denn witer gfahre, mit ehm Ziel biz südlicher z'cho richtig grösserä Stadt namens Trondheim. Mir hei denn uf dr Charte gseh, dass es vor Trondheim e Halbinslä git wos einigi Camping git... Diä simmer denn alli abgfahre, allerdings het eus keinä passt - si alli sehr voll gsi und vorallem mit Dauercamper. So hei mr denn eine gno kurz vor dr Stadt an dr Hauptstross.
Leider hets au dört widr grägnet und mir si unter euserä Markise ghöcklet und si denn einisch ins Büsli inä züglet.