Wo mr ufgstandä si, isch s'Wätter leider noni besser gsi und es het no immer grägnet. Allerdings hets denn ufghört wo mir abgfahre si.
Mir si denn uf Trondheim go dr Nidaros-Dom und es "Army"-Museum go aluegä. Dr Dom isch guet und rächt gsi, aber isch halt nid so eusi Wält - drum simmer nur kurz drdur gloffä und si denn witer ins Museum. z'erscht in eis öper diä früehnerä Königä vo Norwäge, dört het me diä verschiedene Kronenä usw. chöne aluegä. Als letschts simmer in das "Army"-Museum, dört het me verschiedeni Waffe gseh vo früehnerä Zytä bis au söttigi us dr Gegäwart. Usserdäm het me einiges über diä verschiedene Chrieg zwüsche Norwäge und Schwedä chöne läse.
Mir si denn no biz dur d'Stadt gfahre mit em offnigä Laptop zum Internet suechä :-) Und mir si natürlich au fündig wordä und hei widr mol es paar Bricht chöne ufelade. Denn isch es witer gange, z'ersch mol us derä Stadt use und denn wider westlich richtig Kristiansund, diä nöcht grösseri Stadt. Hinter derä Stadt fot ebä e berüehmti Autostrecki ah... Mir hei denn aber no uf erä Inslä vor dr Stadt übernachtet, wills ebä au scho widr Obe gsi isch.
