Hüt hei mer die schwedische Wälder und Seeä gege Finnischi ituscht und die hei doch tatsächlich no Iis druf gha. D Bäum si denn immer chliner und Spärlicher worde je witer nach Norde das mer cho si. Und wenn me alli 10 Minute es auto gsee het isch das vill gsii.
In eusem Etappeziel isch denn d Suechi nach eme Campingplatz vo neuem losgange, bis mer nach einigem hi und her eus entschiede hei no 130 km azhänge und nach Berlevag z fahre. Das isch scho zimmlich wit im Norde an der Barentssee. Ihr chönnet euch eusi Überraschig also vorstelle do uf Mundart begrüesst z wärde. Dr Betriber vom Campingplatz isch vo Lieschtel do ane usgwanderet usserdem si au no Gäscht us em Baselbiet do gsi.
