Nachdem mer in de letschte Tage Kilometer gfrässe hei wie verruckt, hei mer eus dra erinneret dass das Ferie si und kei Flucht. Also hei mer do in Berlevag (mit eme o uf em a) e Pause igleit zum eus erhohle. Usserdem Isch no d Frog z kläre gsi wies vo do us witergoht. D Idee s Auto ufs Schiff z verlade um bis churz vors Nordkapp z fahre, isch leider vom Fahrplan vo dr Hurtigruten vereitlet worde.