Nachdem mir eus vo Berlevag verabschidet hei isch es witergange in richtig Nordkapp. D Strosse sind wider emol mega schlächt gsi, ei Schlagloch und Bodewälle noch de andere. So simmer denn in langsamer Fahrt immer nöcher zu eusem erste Ferieziel cho. De ganz Norde isch es grosses Rentierzuchtgebiet, drum hämmer au so einigi gseh, jedoch nie richtig is Bild brocht.
Am Nordkapp acho, hämmer au no sunnigs Wetter gha und klari Sicht! Das gits nid wirklich oft. Dos aber denn churz druff abe wider bewökt und regnerisch worde isch, simmer wider weggfahre uf en Campingplatz ca 25km südlich vom Nordkapp. Do hämmer Internet und mol no in Wetterbricht inegluegt, morn setts 2 Grad warm wärde mit Schnee-Räge. Hoffentlich stimmt da nid...
