Am Morge hei mer euses Nachtlager bi Schneeräge müese abbräche. Isch zimlich nasschalt gsii. Aber glii isch der Bus mit voll ufdreihter Heizig in Richtig Süde gfahre. Me het gmerkt das d Vegetation langsam wider grüener worde isch.
In Alta acho hei mir eus zerscht um e Zältplatz gchümmeret bevor mer denn ins Museum gange si. Dört isch es um die Felsritzige us der Steizit gange. Grafitti würd me Hützutag säge, nur d Tatsach das si bis zu 6000 Johr alt si beförderet sä vo Vandalismus zum UNESCO Weltkulturerbe. Nei, es isch scho idrücklich gsi.
