Hüt isch euses Ziel Tromsö gsi, s "Paris vom Norde". Unterwägs hei mir s Ergäbnis vo de Schneefäll vo Gester dörfe bewundere. Schneebärge uf dr eine Site s Meer uf dr Andere. Das si scho Beidruckendi Gegesätz.
Wo mer uf Tromsö inegfahre si isch eus e Luxusyacht ins Aug gstoche, die isch em Hurtigrutenschiff in Grössi nid vill nochgstande. Uf em Zeltplatz hei mer fascht dr letscht Stellplatz für Wohnmobil ergatteret, em Senn sis Zelt isch drfür öppe elei dogstande.
Denn si mir no d Iismeerkathedrale go aluege. S gröschte Glasgemälde in Europa isch e super Ablick und d Architektur isch grandios.
