Hüt am morge si mer zum erschte mol sit längerem zu blendendem Wetter ufgstande. Entsprechend blendend isch eusi Lune gsi.
Uf ere längere Fährfahrt hei mir denn dr Polarkreis wider in südlicher Richtig überschritte.
Witer ischs gange uf dr berüemte norwegische Küschtestroos 17, wo eus mehr grandiosi Usblick erwartet hei, als mer hei chönne fotografiere.
I hätt jo geschter scho chönne verzelle das mer en Elch gseh hei. Aber die wo mer hüt gseh hei si eifach fotogener gsi.
