Hüt hei mer s vom Wätter abhängig gmacht was mer wei go aluege. Es isch zwenig schön gsi für ans Meer z fahre also ischs ins Landesinnere gange. Uf em Wäg hei mir meh als einisch müese brämse wäge e paar Exemplar vo dr einheimische Fauna.
Euses Ziel isch e Wildbach gsi wo me Lachse chönni gseh springe. Die hei sich nid blicke lo, aber d Wassermasse si au eso idrücklich gsi.
Witer isch es gange über idyllischi Näbeströssli bis mer in Holmset acho si.
