S Tagesziel isch ganz klar de Geiranger gsi. Unterwegs simmer denn no über d "Atlanterhavsveien", das isch e kurzes Stück vo de Küstestross wo ein schöni Brugg noch de andere chunnt. Aschliesend simmer denn näbe Molde dure und zu de Trollstiegen. Isch e sehr idrücklichi Passstross, wo si ine Felswand ghaue händ.
Zum Geiranger simmer denn mit de Fähri gfahre, die isch chli touristisch gmacht, und es wird eim jedes verlassene Höfli zeigt und d Gschicht drüber verzellt. Also isch scho no interessant gsi! Wos denn so langsam richtig Endstation gange isch, hämmer scho gmeint gha mer sehn kei Schiff, doch denn hinter em letschte Eggli isch denn d Aida Aura fürecho... Isch scho erstunlich wie e so grossi Schiff in Fjord hindere chömed.
