Gestert z Obe isch denn d Aida unter Böllerschüss und Gehorne abgfahre. Wo mer hüt am Morge ufgstande sind händ eus zwei witeri, chli chleineri Schiffli begrüesst. So hämmer eus parat gmacht und plötzlich isch denn d Costa Atlantica (die isch no fascht chli grosser wie d Aida gsi) igloffe. Ihres Wendemanöver im Fjord isch erstunlich, si hett öppe uf de Stell wende müesse, suscht wär kei Platz meh umme gsi!
Mir händ eus ufgmacht richtig Lom um die im 12te Johrhundert erbaute Stabschille azluege. Leider hett mer nume vo usse Fötele dörfe. Über de Höchsti Pass in Skandinavie (1440 m.ü.M.) simmer denn richtig Sognefjord.
