Am Morge simmer vo de Sunne gweckt worde. Super Wetter, eifach kei Wölkli wo de blau Himmel bedecke würd! Während de Fahrt hett denn de Himmel immer meh zuedo. Ab de Höchi vo Göteborg hetts den öppe nume no grägnet.
Trotz em schlächte Wätter hett euses Navi de Wäg noch Norwäge gfunde womer denn uf de erschtbescht Camping sind.
In Kiel hämmer scho festgstellt gha, dass eusi oberi Frontschiibe nid ganz dicht isch und bi Räge chli Wasser ineloht. Wo mer noch dere Rägefahrt acho sind, isch es aber ziehmlich nass gsi und mer händ denn au gseh, dass es d Schibe sälber isch, wo zum Teil d Chläbstell glo hett. Bi windig-nass-kaltem Wetter simmer uf da Auto klätteret und händs vo usse so guet wie möglich mit Klebband abdichtet. Au vo inne und händ d Matraze uf e Blache gleit, damit si nümm nass wird.
