Am viertel ab 6i am Morge hett bi eus scho de Wecker glütte. Do eusi buechti Telemarks-Kanalfahrt scho am 8i in Skien los gange isch. 10 Minute vor em Start simmer denn dört gsi und händ denn uf s Schiff chönne. Die fahrt isch bis noch de eis gange und hett durch mehreri Schleusene gfüehrt wo zum grösste Teil vo händsche bedient worde sind.
Endstation isch den wider in Lunde gsi. Do aber s WoMo in Skien uf em Parkplatz gstande isch, simmer mit em Kanalbussen zrugg gfahre und sind denn richtig Weste durch s Landesinnere noch Evje gfahre. S Wetter isch während de Fahrt relativ grau gsi, aber es hett denn erst am Obe uf em Camping kurz grägnet.