Euse Plan isch eigentlich gsi, e chleini Rundfahrt mit em Bus / Fähri / Flam-Bahn / Bahn z mache (www.norwaynutshell.com) was aber wortwörtlich is Wasser gfalle isch. Sit gestert z Obe rägnets und windets so fest, dass mer eus dezue entschlosse händ witer z fahre. Schlussendlich hett s Wätter de ganz Tag nid besseret. Alli Bäch sind randvoll gsi, d Seee zum Teil scho übers Ufer cho.
Eusi Fahrt hett eus denn an Sognefjord brocht wo mer denn z Obe bi Balestrand uf en einsame Campingplatz sind. Spöter isch denn no e anders Fahrzüg uf de Platz cho, en alte, umbaute Car. Au Schwizer.