So wies Wetter gestert z Obe gsi isch, isch es au i de Nacht und am Morge gsi. Mir sind uf de 13 über en Pass ue wo mer denn langsma Bedänke becho händ, ob mer überhaupt drüber chömed. Plötzlich isch au d Stross voll Schnee gsi. Schinbar hetts i de Nacht Neuschnee geh, und das uf nume 700m! Zum Glück sind scho es par Fahrzüg vor eus drüber gfahre, drum hetts Spure gha wo freigschmulze gsi sind.
Do s witerhin fest grägnet hett, sind au hütt alli Bäch voll gsi und es hett überall rächti Wasserfäll und Stromschnelle gha. viel Wiese sind überfluetet gsi.
D Stross zum Geiranger hett uf über 1000m gfüehrt, was natürlich wieder viel Schnee bedütet hett! Uf de Stross selber isch jedoch keine gläge. Unde acho hämmer gstunt, wie wenig Lüt dass do gsi sind, mer händ sogar i di erst Reihe chönne! Vor zwei Johr simmer zur Gliche zit öppe i de dritte Reihe gstande. Ok dört isch es au viel wärmer gsi, aber trotzdem!
