Im Geiranger hämmer eifach mol en fuule Tag ilegge welle, so hämmer da denn au gmacht. Am Morge sind denn no zwei Schiff cho wo aber nid agleit händ, nume dreit händ und denn wider wäg sind.
In eusem Wander-Reiseüehrer isch um e Egge e churzi Wanderig beschribe gsi, wo mer denn au in Agriff gno händ. Es isch jo scho gstande, dass es chli ue goht. Aber grad so steil hättis au nid müesse sii! Schlussendlich simmer denn nid ganz bis zum letschte Zipfel vom beschribeneWanderweg, händ vorher ukehrt dos afange rägne hett. Trotzdem isch es scho no e schöni Tour gsi!
Z Obe hett denn no d Hurtigruten agleit.
