Am Morge am 9i hätti eigentlich s Chrüzfahrtschiff "Mein Schiff 2" sette alegge. Wo mer am 8i ufgwacht sind, isch es aber scho do gsi! (Es hett übrigens d Jungfernfahrt gha, wie mer vo MaWo erfahre händ) Mer händ zämepackt und sind über d Serpentine bim Geiranger richtig Alesund.
Dört hämmer eigentlich e kurzi Stadtbesichtigung welle mache. Es isch aber de Räge ganz fiin und quer cho, d Temperature sind zu dem ane bi 7° gsi. Drum hämmer denn au devo abgseh.
Mer sind defür is Aquarium vo Dört. Es hett mehreri einzelni Aquarie gha, au es Salzwasserbecki (s grösste vo Norwege) wo 35m x 70m gross gsi isch. Si händ denn grad no mit eme Taucher e Füeterig duregfüehrt. Isch no luschtig gsi, im gsammte en glungene Bsuech.
Nocher simmer den witer richtig Norde. S wetter isch noch Tage langsam besser worde. .
