Ok, das mit de Elche glaube mer jetzt. Händ endlich zwei Eleche gseh. Doch leider hetts nid für es Foto glängt.
De Camping womer gfunde gha händ, isch direkt ame Stauwehr gsi, wo mer bi de witerfahrt gfötelet händ..
Mer sind denn wider zrugg zur Stross Nummer 17 (eigentlich hämmer die nume zum Camping-finde verloh). Es git i dem Gebiet wo mer do snd eigentlich nume zwei Strosse wo vo Süd noch Nord füehred, d Stross Nr. 17 und d E6.
Mit der Fähri hämmer de Polarkreis überquert (es hett wider emol grägnet) und sind den witer richtig Norde. Sind wider zur E6 um en Campingplatz z finde. De isch i de Stadt gsi, aber für da no relativ schön. Dos aber soviel grägnet hett, isch de ganz Grasplatz unter Wasser gsi. Uf em Obere Stück hett Teerti / Kiesti Plätz für d WoMo gha, wo mer denn au druf gange sind und übernactet händ.
