Wider zrugg uf d 17 und de Küste entlang richtig Norde. In Bodö hämmer d Fähri uf d Lofote welle neh, doch bis zum 3.6. zählt no de Winterfahrplan und denn fahrt si relativ sälte. Hütt wär si um halb 2 i de Nacht gfahre. Mer händ beschlosse, dass mer über Narvik vom Norde i d Lofote fahred und denn do in Bodö de Campingplatz aluege.
De Campingplatz isch direkt näbem Flughafe gsi. Die landende Flugzüüg sind direkt über eusi Köpf cho, isch aber grundsätzlich nid so schlimm gsi, händ einewäg guet gschlofe .
