Euses Motto: Schnellstmöglich über d E6 richtig Süde. So simmer den au gfahre. D Landschaft in Mittelnorwäge isch nid sehr spektakulär, vor allem hetts Birkewälder.
De Wäg hett eus wider über de Polarkreis gfüehr, dört hämmer en Halt gmacht, de Touri-Shop agluegt und eus es Zmittag-Sandwiches gstriche.
In Mosjoen hämmer denn no d Sjogata agluegt, das sind rund 100 Holzhüüser us em 18te Johrhundert wo restauriert worde sind und so quasi d Altstadt bildet.
Das hämer au mol no welle ablichte, die Lastwäge! In Skandinavie fahred 60-Tönner umme, und denn fahre si no wie die ghängte Säu! :o) nei si gänd em scho rächt. Wenn so eine hindedra isch, mache mer meistens Platz.
